நிஷோக்கி
காற்றைக் களமென ஆக்கி - எழில்
காணும் ஜப்பானியர் ஏக்கங்கள் போக்கி
நாற்றிசையும் புகழ் தூக்கிப் - பல
நாட்டினர் போற்றிட ஏறும் "நிஷோக்கி" !
வானத்தில் ஓங்கி உயர்ந்தே - அரும்
வண்ணக் கொடியும் பறப்பது பாரீர்
ஊனுக்குள் ஊறும் உயிர்போல் -மக்கள்
உணர்வுக்குள் ஊறிச் சிறப்பது பாரீர் !
வெள்ளை நிறமொரு சின்னம் - அதில்
வெல்லும் புரட்சி சிவப்பெனும் திண்ணம்
கொள்ளை அழகிது பாரீர் -ஜனம்
கூடிக் கிடக்கும் எழிலினைப் பாரீர் !
கொடியுட் திகழெழில் வட்டம் - அது
கூறிடும் சூரியனின் ஒளி வட்டம் !
மிடிமை ஹிரோஷிமா கண்டு - மக்கள்
மிரண்டிட வில்லை உயர்ந்தனர் பண்டு !
கொஞ்சும் எழிலொலி வீசிச் - செவி
குளிரும் ஜப்பானியத் தாய்மொழி பேசி
நெஞ்சிற் கொடியைப் பதிப்பார் - அது
நேர்மையைக் காட்டிடும் ஓர்அடை யாளம் !
வாழி உழைப்பவர் பூமி - மிக
வன்மைபெற் றுய்க ஜப்பானியர் பூமி !
வாழி இயற்கையின் நாடு - புவி
வாழ்த்தொலி கேட்க வளர்கபண் பாடு !!
To Know more about Japan Flag - Nisshōki
-விவேக்பாரதி
28.03.2015
Comments
Post a Comment