மலரும் தர்மம்
வாழ்க்கை நமக்காய் மாறும் - அந்த
வானும் கைகளில் சேரும்
தாழ்வும் உயர்வைச் சேர்க்கும் - பின்
தாய்நிலம் உன்னைப் பார்க்கும்!
தூங்கத் தேவை இருட்டு - ஒளி
தோன்றத் தேவை விழிப்பு
ஏங்கிக் கிடப்பது தாழ்வு - தலை
ஏற்றி நிமிர்வதே வாழ்வு!
வருவார் போவார் சிலபேர் - நம்
வரமாய் வருவார் சிலபேர்
தருவார் பெறுவார் சிலபேர் - நாம்
தருவோம் பெறுவோம் உறவே!
எதுவும் நடக்கும் நாளை - அது
எல்லாம் வெற்றி வேளை
கதவைத் திறந்தால் காற்று - நம்
கவலை மறந்தால் வாழ்வு!
வாழ்க்கை ஓடை ஓடும் - நீர்
வாடித் தேங்குதல் பாவம்!
தாழ்க்கை ஓர்நாள் உயரும் - நம்
தர்மம் அன்று மலரும்!!
-விவேக்பாரதி
16.04.2018
வானும் கைகளில் சேரும்
தாழ்வும் உயர்வைச் சேர்க்கும் - பின்
தாய்நிலம் உன்னைப் பார்க்கும்!
தூங்கத் தேவை இருட்டு - ஒளி
தோன்றத் தேவை விழிப்பு
ஏங்கிக் கிடப்பது தாழ்வு - தலை
ஏற்றி நிமிர்வதே வாழ்வு!
வருவார் போவார் சிலபேர் - நம்
வரமாய் வருவார் சிலபேர்
தருவார் பெறுவார் சிலபேர் - நாம்
தருவோம் பெறுவோம் உறவே!
எதுவும் நடக்கும் நாளை - அது
எல்லாம் வெற்றி வேளை
கதவைத் திறந்தால் காற்று - நம்
கவலை மறந்தால் வாழ்வு!
வாழ்க்கை ஓடை ஓடும் - நீர்
வாடித் தேங்குதல் பாவம்!
தாழ்க்கை ஓர்நாள் உயரும் - நம்
தர்மம் அன்று மலரும்!!
-விவேக்பாரதி
16.04.2018
Comments
Post a Comment