வாராயோ ரயிலே
(அமெரிக்காவில் தொடங்கி தற்போது இணையத்தில் 'தேசிய கவிதை எழுதும் மாதம்' என்ற பொருண்மையுள்ள 'National Poetry Writing Month' எனும் இயக்கம் பிரபலமாகி வருகிறது. இது இளம் கவிஞர்களை தொடர்ந்து எழுதும் consistency ஐ நோக்கி நகர்த்துவதாக சொல்லப்படுகிறது. இன்ஸ்டாகிராமில் தோழி ஒருத்தியின் தூண்டுதலில் நானும் இம்மாதம் முழுவதும் #NaWriPoMo வில் எழுதலாம் என்றிருக்கிறேன்.
முதல் கவிதைக்கான உந்துதல் #kizhinjakaagidham அமைப்பு கொடுத்தது! - ரயில்)
மௌன இருட்டுக்குள்ளே - நான்
மூழ்கித் தவித்தபடி
வானை மறந்துவிட்டேன் - அருகே
வாராயோ ரயிலே?
மூழ்கித் தவித்தபடி
வானை மறந்துவிட்டேன் - அருகே
வாராயோ ரயிலே?
என்னை இருட்சுரங்கம் - விட்டு
எங்கோ ஒருதொலைவில்
கொண்டே உயிர்ப்பிக்க - உனைக்
கோருகிறேன் ரயிலே
எங்கோ ஒருதொலைவில்
கொண்டே உயிர்ப்பிக்க - உனைக்
கோருகிறேன் ரயிலே
பயணச் சீட்டெனவே - என்
பாடல் தருகிறேன்நான்
முயன்று நடந்துவிட்டேன் - அதிலே
மூர்ச்சையும் கண்டுவிட்டேன்
பாடல் தருகிறேன்நான்
முயன்று நடந்துவிட்டேன் - அதிலே
மூர்ச்சையும் கண்டுவிட்டேன்
சைக்கிள் மிதித்துவிட்டேன் - அதிலும்
சலிப்பே மிஞ்சியது
மக்கள் தொகையதிகம் - சாலை
மார்க்கம் பிடிக்கவில்லை
சலிப்பே மிஞ்சியது
மக்கள் தொகையதிகம் - சாலை
மார்க்கம் பிடிக்கவில்லை
பேருந்தில் இஷ்டமில்லை - வான்
பெருவழி தேவையில்லை
பேரழகே ரயிலே - உன்
பெட்டிகள் நேசிக்கிறேன்!
பெருவழி தேவையில்லை
பேரழகே ரயிலே - உன்
பெட்டிகள் நேசிக்கிறேன்!
அருகினில் வாரயிலே - என்
ஆசையுன் எரிபொருளாம்
பருகிப் பறந்திடுநீ - கனவுப்
பாதையுன் தண்டவாளம்
ஆசையுன் எரிபொருளாம்
பருகிப் பறந்திடுநீ - கனவுப்
பாதையுன் தண்டவாளம்
ஓஹோ மனிதர்களே - உமை
உதறி நகர்கின்றேன்!
ஆஹா அன்பர்களே - எனை
அதிர்ந்து தேடாதீர்
உதறி நகர்கின்றேன்!
ஆஹா அன்பர்களே - எனை
அதிர்ந்து தேடாதீர்
இரவில் தொலைந்துவிட்டேன் - என
இறப்பைப் பேசாதீர்
இரவல் பெற்றதுதான் - ஓர்நாள்
இரவில்தான் தொலைவேன்
இறப்பைப் பேசாதீர்
இரவல் பெற்றதுதான் - ஓர்நாள்
இரவில்தான் தொலைவேன்
கூக்கூ கேட்கிறது - ரயில்
கூவி அழைக்கிறது
பார்ப்போம் தோழர்களே - உங்கள்
பயணமும் சீக்கிரமே!!
கூவி அழைக்கிறது
பார்ப்போம் தோழர்களே - உங்கள்
பயணமும் சீக்கிரமே!!
-விவேக்பாரதி
01.04.2023 | 12.00 AM
01.04.2023 | 12.00 AM
Comments
Post a Comment