மீனாட்சி தரிசனம்
Illustration by SCD Balaji
தீபத்தின் திரிவிண்ணை நோக்கிச் சுடர்ந்தாலும்
திசையாட்டும் காற்றுக் கலையும்
திசையாட்டும் காற்றுக் கலையும்
திசைமாற்றும் காற்றுக்கும் முடிவுவரும் வேளையில்
திருந்திவிண் நோக்கிச் சுடரும்
ஆபத்தை உணராமல் அதுபோல நானுமென்
ஆசையால் ஆடுகின்றேன்
ஆட்டங்கள் ஓய்கின்ற உனதுசன் னிதிமுன்னம்
ஆசையால் ஆடுகின்றேன்
ஆட்டங்கள் ஓய்கின்ற உனதுசன் னிதிமுன்னம்
அடையாளம் காணுகின்றேன்
தாபத்தை மனதோடு மறைக்கத் தெரிந்தாலும்
சரித்திடத் தெரியவிலையே
தர்மத்தின் பாதையினைக் கர்மப் புதர்மறைக்க
சரித்திடத் தெரியவிலையே
தர்மத்தின் பாதையினைக் கர்மப் புதர்மறைக்க
தகுந்தவழி புரியவிலையே
கோபத்தை நெஞ்சுக்குள் அடக்கத் தெரிந்தாலும்
கொன்றுவிட இயலவிலையே
கொஞ்சுதமிழ் மதுரையில் கோயில்கொண் டாடிடும்
கொன்றுவிட இயலவிலையே
கொஞ்சுதமிழ் மதுரையில் கோயில்கொண் டாடிடும்
குலதெய்வ மீனாட்சியே!!
-விவேக்பாரதி
20-01-2022
20-01-2022
Comments
Post a Comment