சங்கர ஓம்
சங்கர சங்கர சங்கரவோம் - சிவ
சங்கர சங்கர சங்கரவோம்!
சங்கடம் நீங்கிட உன்னிருதாள் - யாம்
சட்டெனப் பற்றினம் ஆதிசிவா!
மங்கையி னோடுடல் கொண்டவனே - எமை
மங்கலம் சூழவே நீயருள்தா !
சூலமு மாடவே சூழ்ந்திருக்கும் - நற்
சுடர்மணி பூணர வாடிடவே
காலமும் நேரமும் மாட்டுவையே - உன்
கழல்தனைப் பற்றினம் நீயருள்தா !
மாரனைத் தீயிடைச் சுட்டவனே - எழில்
மாதவ னோடுடல் உற்றவனே !
பூரண மாகிடும் பொற்பதமே - தொழில்
புரிந்துனை யேத்துவம் நீயருள்தா !
டம்டம டம்டம டம்டவெனக் - கை
தங்குமு டுக்கையு மார்த்திடவே
அம்பிகை யாளொடும் ஆடுவையே - உன்
அருங்கழல் மெச்சினம் நின்னருள்தா !
நந்தியி லேகிடும் சங்கரனே - உயர்
நாதியும் நீசிவ சங்கரனே
சிந்தையி லாடிடு சங்கரனே - எமை
சிவநிலை அடைந்திடச் செய்யுவையே !
சங்கர சங்கர சங்கரவோம் - சிவ
சங்கர சங்கர சங்கரவோம்
சங்கர சங்கர சங்கரவோம்!
சங்கடம் நீங்கிட உன்னிருதாள் - யாம்
சட்டெனப் பற்றினம் ஆதிசிவா!
மங்கையி னோடுடல் கொண்டவனே - எமை
மங்கலம் சூழவே நீயருள்தா !
சூலமு மாடவே சூழ்ந்திருக்கும் - நற்
சுடர்மணி பூணர வாடிடவே
காலமும் நேரமும் மாட்டுவையே - உன்
கழல்தனைப் பற்றினம் நீயருள்தா !
மாரனைத் தீயிடைச் சுட்டவனே - எழில்
மாதவ னோடுடல் உற்றவனே !
பூரண மாகிடும் பொற்பதமே - தொழில்
புரிந்துனை யேத்துவம் நீயருள்தா !
டம்டம டம்டம டம்டவெனக் - கை
தங்குமு டுக்கையு மார்த்திடவே
அம்பிகை யாளொடும் ஆடுவையே - உன்
அருங்கழல் மெச்சினம் நின்னருள்தா !
நந்தியி லேகிடும் சங்கரனே - உயர்
நாதியும் நீசிவ சங்கரனே
சிந்தையி லாடிடு சங்கரனே - எமை
சிவநிலை அடைந்திடச் செய்யுவையே !
சங்கர சங்கர சங்கரவோம் - சிவ
சங்கர சங்கர சங்கரவோம்
-விவேக்பாரதி
03.12.2016